W10K RUN 2021-ah TC Lalremruati leh NT Lalbiakkima-te an tlan chak ber
International Wo-men’s Day puala buatsaih W10K RUN 2021 chu nimin zingah khan neih a ni a, hmeichhiaah TC Lalremruati chu tlan chak berin pakhatna a ni a, mipaah chuan boxer NT Lalbiakkima pakhatna a ni thung.
W10K RUN 2021 atan hian mi 81-in hming an ziak lut a, chung zinga 51 chu tlanin, mi 47 an tlan thleng.
Zing dar 6-ah MJA president Zonunsanga Khiangte chuan intlan-siakte hi vai liamin Trinity Hospital, Silaimual aṭanga Zero Point, Mualpui thleng tlanin an tlan let leh a, intlansiak zingah chuan TC Lalremruati leh NT Lalbiakkima te hi an tlan chak ta ber a ni.
Michelle Ralte, Lalrinngheti Sangsiama, Remi Bawihtlung, Asomi Andrew te leh Depart-ment Of Women & Child Development-te buatsaih W10K RUN 2021-a pakhatnate chuan Rs. 10,000 an dawng a, pahnihna te chuan Rs 5,000 dawngin pathum-nate chuan Rs 3,000 an dawng thung.
W10K RUN 2021 buat-saihtute hian Mizoram District tina Govt scheme hnuaia Swadhar Greh home 11 an ṭanpui leh bawk ang.
W10K RUN 2021 result
Hmeichhia
1st TC Lalremruati
2nd C Lalruatdiki
3rd Lalrammuanpuii
Mipa
1st NT Lalbiakkima
2nd Hmingthanmawia
3rd Ramdinthara