Breaking Benjamin summer tour Bush, Theory of a Deadman-te nen

American rock band Breaking Benjamin chuan July aṭang hian summer tour an nei ṭan dawn a, Bush, Theory of a Deadman, Saint Asonia leh Cory Marks-te nen an tour ho dawn.

July 15 hian Bristow, Virginia-ah tour hi a huhoin an ṭan dawn a, thla hnih chhung an inzui dawn a ni. Mountain View, California-ah September 8-ah tour an khar ang. Breaking Benjamin hian an album Aurora tihlarna ni pahfawmin tour hi an nei dawn a, Bush hian The Kingdom an vawrh lar dawn bawk.  Theory of a Deadman chuan Say Nothing album an promote dawn thung a, Saint Asonia chuan nikuma an tlangzarh Flawed Design an thupui dawn. Cory Marks pawhin a album tlangzarh tur Who I Am chu a changchawi ber dawn a ni.

'Dairy of Jane' hitmaker Breaking Benjamin hi kum 1999-a indin tawh kha niin, studio album paruk an tichhuak tawh a, Aurora hi an acoustic album a ni thung a, he album-a mi hla pahnih hi single-in an tichhuak tawh bawk. Aurora-ah hian an hla lar hrang hrang an dah khawm a, Flyleaf vocalist ṭhin Lacey Sturm, Adam Gontier, Spencer Chamberlain,  Scooter Ward leh Michael Barnes-te pawhin an pui a; January 24 khan Hollywood Record kaltlangin an tlangzarh a ni.