Internet Service Provider hmasawn top 10-ah NetSurf
India rama technology lam magazine lian, Silicon India chuan kum tina an tih ṭhin angin category hrang hrangah India rama company ṭhate an thlang chhuak leh ta a, thlan chhuah zingah hian NetSurf pawh an tel. Internet Service Provider category-ah Aizawl Chanmari-a inbun NetSurf ISP hi 10 Most Promising Internet Service Provider, 2019-ah an tel a ni.
He category hi a bikin Local ISP-te huang a ni a, ram pumah a tiṭha zual 10 thlan chhuah an ni. NetSurf hian Mizorama a vawi khat nan Fixed wireless broadband chu Semi Parabolic Antenna hmangin internet connection an pe chhuak a, Local ISP zingah UL VNO License nei hmasa ber an ni bawk.
Tunah hian Fibre Optic hmangin internet connection an pechhuak mek bawk a, an service a ṭhat avangin mipui leh sorkarin an dawr nasa hle. Kumin Lok Sabha MP Election-ah pawh khan Election official-ten anmahni hi an ruai a ni.
Mizoram tana theih tawp an chhuahna hi Silicon India magazine chuan rawn hre fuhin, chawimawina dawng turin an thlang ta a ni. Silicon India hian June thlaa an magazine cover atan NetSurf company leh an director-te chu an hmang nghe nghe a ni.