Metallica-in Covid-19 relief org. paliah chhawmdawlna pe
Metallica chuan an charitable foundation, All Within My Hands kaltlangin Covido-19 relief organisation pali hnenah $350,000 an pe.
"Coronavirus darh zelah hian, kan community-a mi hlu tak takte chuan tun hma zawng aiin ṭanpui an mamawh nasa zawk a ni," tiin an band chuan thuchhuah an siam.
Chhawmdawlna hi Feeding America, Direct Relief, Crew Nation leh USBG National Charity Foundation hnenah an pe a ni.
Metallica hian a hma pawhin ṭum eng emaw zat Feeding America hi an lo thawhpui tawh a, Feeding America tan bik hian $100,000 an pe tih an tarlang tel.
Khawvel ram 22-a chhawmdawl hna thawk mek, Direct Relief hnenah $100,000 tho an pe a, Crew Nation hnenah $100,000 pe bawkin USBG National Charity Foundation hnenah $50,000 an pe thung.