Priyanka Chopra London khawpuiah a lim an din

Bollywood star Priyanka Chopra hian hriat a hlawh a ni sa tliah lo, Hollywood thlengin ngaisangtu mi tam tak a nei - London khawpuiah pawh a lim an din leh ta rup mai. 

Singapore, Sydney leh New York-ah pawh a lim hi din a lo ni tawh bawk a, Indian actress ropui zia tarlangtu an ni. Global icon Priyanka Chopra hi tun hnai khan Madame Tussauds, London-ah a lim an din sak a, amaherawhchu, a hawnna ceremony-ah a tel thei lo hlauh. PeeCee hi Ralph Lauren gown inbela a ding lai lim an siamsak a, India tihming ṭhatu a ni. 

Kum 36 mi Priyanka Chopra hi eng tiang chiaha ropui nge a ni tih hi zawhna chhan harsa tak a ni a, mi tam tak ngaih aiin a lo ropui a ni mahna. Khawvelah miropui tak tak lim hmuh tur tam tak a awm a, a ṭhen chu an thih hnua an din sakte an ni hlawm. 

PeeCee erawh a dam lai ngeiin khawvela khawpui lian pali - Singapore, Sydney, New York leh London-ahte a lim din a ni tawh a, India ram pawn vek a la ni zui! Hei hian mi bik a nih zia a tarlang a, Hollywood thlenga hming a lo chher tawhna chuan ropuina ramah a chen tir mek a ni. 

Priyanka Chopra hi kum 2000 khan Miss World atan thlan a ni a, hemi hnu hian film industry luhchilh zuiin - Bollywood leh Hollywood thlengin sulhnu ṭha tak a hnutchhiah a, a la hnutchhiah belh zel dawn ni pawhin a lang. 

Entrepreneur ṭha tak a nih piah lamah philanthropist a ni bawk a, a lim hial din a ni ta fo hi thil mak a ni lo.