Drake-a'n The Beatles Record a nihrual
Canadian rapper Drake chuan Billboard Hot 100 chart-ah The Beatles record a nih rual a, ṭum 34 zet top 10-ah a lang ta.
Drake hian Chris Brown nena an hla thar 'No Guidance' hmangin Hot 100-ah pakuana a hauh a, ṭum 34 zet top 10-ah a lanna a ni. Tihian English rock band lar The Beatles-ten kum 60 chhung zet record an lo chelh tawh chu a rawn nih rual chiah a, khum thei turin a dinhmun a ṭha hle.
Billboard Hot 100 chart-a record nei ṭha ber erawh American singer ropui Madonna a ni a, ṭum 38 lai top 10-ah a lo inhlangkai tawh a ni. Madonna hian hmahruaiin, The Beatles leh Drake-te hian an dawt a, pathumna chu Rihanna a ni. Anni bakah hian Michael Jackson leh Mariah Carey-te chu sulhnu nei ṭha zingah an tel bawk.