Google-in $mtd 6.5 a thawh

Google chuan khawvel puma coronavirus chungchanga thu dik lo thehdarh chhui hna thawhna kawnga hmalakna turin $maktaduai 6.5 a thawh tih a puang.

Google News Initiative (GNI) peng pakhat atan pawisa hi an thawh tih tarlangin, " India-a BOOM Live leh Nigeria-a Africa Check-te nen ṭangkawpin Data Leads kan ṭanpui a ni. Hemi hmang hian India leh Nigeria-a journalist 1,000 chu thu dik lo thehdarhna chhui hna thawhna kawngah zirtirna kan pe thei dawn a ni," tiin Google News Lab-a Lead of News leh Information Credibility Alexios Mantzarlis chuan a sawi.

"Hriselna lam kawnga harsatna lian tak a thlen lai hian journalist-te tan chuan 'primary expert source' neih theih hi thil cho awm tak leh ngai ngei ngei a ni," tiin Google chuan journlast-te'n thudik an thehdarh a pawimawh zia an sawi a ni.