Manipur-ah Adama leh Sangtei Renza che ṭha

Nimin June 21 kha World Music Day a ni a, he mi denchhen hian khawvel hmun hrang hrangah hun hman a ni. Imphal, Manipur-ah pawh World Music Day pualin hun hman a ni a, Mizo singer Adama leh Sangtei Renza-ten an telpui. 

Imphal-a event hi NE Brothers buatsaih a ni a, Mizoram aṭangin Adama leh Sangtei Renza-te hi perform tura sawm an ni a, an che ṭha hle. Mipuiin an ngai ropuiin an hlut a, local TV-ah live-a pek chhuah a nih bakah, YouTube lamah pawh live stream a ni. Adama leh Sangtei-te hian hla pariat lai an sa a, mipui sing chuang an pung khawm a ni.

Show-a an inlan tur chungchangah hian an manager Te-a Boitlung hoin nimin khan Imphal Press Club-ah Press mite an hmachawn. Te-a Boitlung chuan, "Mizoramah pawh hman ve theih ni se a duhawm hle a, music lamah pawh hma kan sawn belh ngei a rinawm," tiin a sawi.

Event buatsaihtuten an lo dawnsawn danah lawmawm a tih thu sawiin, mikhual an thlen danah pawh entawnna tur tam tak awma a hriat thu a sawi lang bawk.