Disney-in CEO thar nei

Walt Disney Company chuan Chief Executive Officer (CEO) Bob Iger chu Disney's Board of Director-a executive chairman atana ruat thar a nih thu an tarlang.

'Disney creative strategy' lamah insawr bing a duh vang a nih thu Iger chuan a sawiin, hemi vang hian CEO aṭang hian executive chairman-ah hian a awm ta a ni.  Disney Parks, Experiences and Products Chairman Bob Chapek chu CEO atan ruat thar a ni bawk.

Bob Iger hi kum 2005 aṭanga February 25, 2020 thleng khan Disney CEO hna a thawk a, tuna a hna thar hi nakkum December 31 thleng a tawk ang.