Hindi Medium Director film tharah Alia Bhatt

Amazon Filmfare Awards-a che ṭha tak Gully Boy actress, Alia Bhatt chu Hindi Medium director Saket Chaudhary film siam thar turah a chang dawn. 

Saket Chaudhary film thar tur hi a film hming tarlan a la ni lo a, Sajid Nadiadwala chuan a produce dawn tih erawh tarlan a ni thung. A script an la buaipui mek a, mahse Alia hian a script kaldan tur tlangpui chu hmu tawhin chan a remti tawh a ni.

Kumin chhung hian Alia hi a buai dawn hle niin a lang a, Sadak 2-ah Aditya Roy Kapur, Sanjay Dutt leh Pooja Bhatt-te nen an chang ho dawn a, he film hi Alia pa Mukesh Bhatt chuan a direct dawn a, an pafaa an thawdun hmasakna ber tur a ni nghe nghe.