Prince Charles-a'n 'Bond 25' channa hmun a tlawh

Prince Charles chuan tun hnai khan James Bond thar ber tur 'Bond 25' channa hmun Pinewood Studios a tlawh a, a changtute nen inkawmna hun an nei. 

Pinewood Studios hi Iver Heath, Buckingham­shire-a awm a ni a, he hmunah hian Bond 25 hi an chang mek a ni. Prince Charles-a'n a tlawh lai hian James Bond film changtute pawh an lo awm ṭhap a, Daniel Craig leh Ralph Fiennes-te chuan an lo dawngsawng a ni. Prince of Wales hian Naomie Harris leh Lashana Lynch-te pawh a kawm a, an film chan mek chungchangte pawh an lo sawipui a ni. 

James Bond film thar ber tur hi nakkum April thlaa tlangzarh tur a ni a, shooting pawh an bei ngawrh sawt hle. British actor Daniel Craig chu shooting an neihnaah hian a inhliam a, mahse a dam leh tawh a ni. Cuban actress Ana de Armas chu 'bond girl' a ni a, boruak pawh a siam thar hle a ni.

Kum 70 mi Prince Charles hi Prince William leh Prince Harry-te pa a ni.