Nicki Minaj hla thar 'Megatron'

Trinidadian rapper Nicki Minaj chuan hun eng emaw chen hla thar a tihchhuah loh hnuin, single thar 'Megatron' a tichhuak ve leh ta. A hla thar hi a hit rem rem hle a, YouTube-ah pawh viewer maktaduai 15 chuang an awm leh der tawh. 

'Anaconda' rapper Nicki Minaj hi ṭum dang ang bawkin a inthehṭhil leh viau a, thawmhnaw hak tur pawh a mamawh tam vak lo. A thiam thil pawh a la theihngilh hauh lo - a aw ṭha tak hmanga thiam taka a rap chu ngaihnawm a tling. A music video hian mit leh beng a titlai a, fan-te pawh an lawm khawp ang le. Social media lamah pawh a lar vet vet hle a, a hla thu thlengin an chhampui leh thei diam tawh. 

Kum 36 mi Nicki Minaj hi hun eng emaw chen chu music lamah a thawm a reh a, tunah erawh hla thar nen a rawn inlar leh ta - album chungchang pawh a sawi ri leh tawh bawk.