Madonna 'Madame X' a No.1

Kum 60 mi lai ni tawh Madonna hian June 14 khan a studio album 14-na 'Madame X' a tichhuak a, Billboard 200 Chart-ah No.1 a la hauh cheu mai. Madame X hi Billboard 200 Chart-ah No.1 kai thei album pakua a neihna a ni chiah bawk! 

American singer ropui Madonna hi a hun laia khawela zaithiam lar ber pawl a ni a, 'Queen of Pop' ti hiala an sawi a ni. Music hungah hun eng emaw chen thawm a neih loh hnuin tun hnaiah a rawn inlar thar leh a, a hma ang thoin a boruak a lian. Hla 13 awmna 'Madame X' album a tihchhuah hnuah phei chuan a thawm a lian zual a, a lo ropui ṭhin tawhna Billboard Chart-ah pawh dinhmun sang ber a kai leh tawh a ni.

Madonna hian Billboard chart-ah record a nei ṭha hle a, kum 1984 khan a vawi khat nan a single 'Like A Virgin' hmangin No.1 a lo kai daih tawh. Album bikah chuan True Blue hmangin 1986 khan pakhatna dinhmun a luah a, heng bakah hian - Like a Prayer (1989), Music (2000), American Life (2003), Confessions on a Dance Floor (2005), Hard Candy (2008) leh MDNA (2012)-te chuan No.1 an kai vek bawk. Hun rei tak a chawlh hnuah pawh a ropuina a la chuai chuang lo - 'Madame X'  hmangin record duhawm tak a rawn siam leh ta a ni.

1. Like A Virgin (1984)

2. True Blue (1986)

3. Like a Prayer (1989)

4. Music (2000)

5. American Life (2003)

6. Confessions on a Dance Floor (2005)

7. Hard Candy (2008)

8. MDNA (2012)

9. Madame X (2019)