Dua Lipa-i'n 'D' thar a tawng?

Rei tak alo kawp tawh Isaac Carew nen an inṭhen hnuah, Dua Lipa chuan 'D' thar a tawng tih khawthlang media-te chuan an tarlang tlat mai. A hming chu Anwar Hadid a ni a, ani hi American model lar Gigi leh Bella Hadid-te nuṭa a ni. 

British singer Dua Lipa leh American model Anwar Hadid-te hi an inhnim hnai hle a, tunhnai khan Malibu-ah Anwar piancham an lawmdun nghe nghe a ni. He hunah hian Gigi leh Bella Ha­did-te pawh an tel a, an thlalak hona chu Dua Lipa hian Instagram story lamah pawh a tarlang a ni. 

'New Rules' singer Lipa hi Isaac nen an inṭhen hnu khan Los Angeles lamah a khawsa tih an sawi leh zel bawk a, Anwar Hadid nen hian an lo in 'date' a nih pawhin a mak lo. Kum 20 mi Anwar Hadid hi Kendall Jenner nen pawh sawizawm an lo ni tawh ṭhin a, finfiahna tak erawh a awm lo. Dua Lipa nen an inhnimhnai leh tak avangin an chan­chin hian ngaihven a hlawh a, media lamah pawh titi an luah nasa hle a ni.