Cardi B-in 'Bodak Yellow' hmangin 'history' a siam

Rapper Cardi B chuan a debut single 'Bodak Yellow' hmangin 'history' a siam a, rapper hmeichhe dangin an la hlawh chhuah theih loh a hlawh chhuk a ni.

Recording Industry Association of America (RIAA) chuan Cardi B 'Bodak Yellow' hi diamond certify-a pe a, hmeichhe rapper zingah hetiang dinhmun thleng thei hla tichhuak hi an la awm lo. 

Chumi awmzia chu unit maktaduai 10 a hmu chhuak tawh tihna a ni. RIAA unit chhut danah chuan hla unit pakhat hmu chhuak tur hian hla pakhat an hralh emaw on-demand audio leh video stream-a 150 an stream tlin a ngai a ni. Cardi B hla hit hian Thawhṭanni khan he record ropui hi a siam niin RIAA chuan an tarlang.

American rapper kum 28 mi Belcalis Marlenis Almánzar, Cardi B tia hriat lar hian 'Bodak Yellow' hi kum 2017 June thla khan a tlangzarh a, YouTube-ah ringawt pawh thlirtu 968,556,471 a nei tling tawh.