The Super bowl Half Time Show
Super Bowl Half time Show a pui lehpek a, mit leh beng a tlai a, thlirtute pawh a hnampui ṭawng takin an 'disappoint' lo tih a hriat.
Music beat a rawn kal a, Shakira chuan show rawn kick off-in a thiam thil a rawn show a, zei takin a side dancer-te nen an rawn lam nghal; mipui thawm a ring nghal kher mai. A hun neih chhungin a duhtawkin a thiam thil a lantir hnuah Puerto Rican rapper Bad Bunny a rawn inlan a ni.
Minute ruk vel Shakira a duhtawka a chet hnuah kum 50 mi lai ni ve tawh Jennifer Lopez chuan a la upa lo tih rawn lantirin tunhnaia a film channa sawizui hlawh tak Hustlers-a a thiamna a lantir ang chiah khan 'pole dancing' a rawn bei chho a, mipui thawmin stadium a luahkhat a ni ber mai.
Colombian reggaeton star J Balvin chuan JLo stage rawn luahlum pui bawkin, an chevel a hmuhmawn hle.
Music transition a rawn awm a, JLo fanu kum 11 mi lek Emme chuan a nu hnung a zui hneh dawn hle tih rawn lantirin thiam tak maiin stage a rawn luahlum zui a, Shakira leh a nute bulah thiam takin a perform zui ve bawk.
JLo leh Shakira-te hian lantino music, calipso beat-a thiam taka lam chungin show hi an khar zui a ni.
Super Bowl Half time Show hian social media lamah sawizui a hlawh a, media hrang hrangin an ngaihven zui hle bawk.
Talent nei ṭha Shakira
Colombian singer Shakira 'follow' tute chuan a talent neih ṭhat zia, zai leh lam mai piah lamah music a thiam zia pawh an hre ngei ang.
Super Bowl Half Time Show-ah pawh hian guitar a perh bakah Emme zai laiin drums a lo vaw leh bawk, khawthlang zaithiamte khu chu an zaithiam mai piah lamah musician ṭha tak an ni hlawm ṭhin reng a ni.
Politics kaihhnawih thil a awm em?
Lopez hian US leh Puerto Rico ram puanzar lan kawpna a rawn bat chhuak a, hei hian Trump anti-immigration policy-in a nghawng Latin community-te khawngaihna a lantir. Emme leh a hote'n 'Born in the USA' an sak laia bawm engthei chhunga naupang ṭhute pawh chuan Latino naupangte dinhmun a entir nia ngaih a ni bawk.
JLo-te nufa an vul dun
Khawvelin entertainment show a ngaih hlut Super Bowl-ah Jennifer Lopez leh a fanu Emme Maribel Muñiz-te chuan stage an luahlum dun thei a, hei hian sawizui a hlawh a, Emme hmabak en zia chu khawthlang media-te chaw tui ber pakhat a ni mek.
Shakira leh J-Lo's setlist
Set I - Shakira
She Wolf
Empire
Ojos así
Whenever, Wherever
I Like It (Cardi B cover, with Bad Bunny)
Chantaje (with Bad Bunny)
Callalita (with Bad Bunny)
Hips Don't Lie
Set II - Jennifer Lopez
Jenny From the Block
I'm Real
Get Right
Waiting For Tonight
Booty
Love Don't Cost A Thing (with J Balvin)
Que Calor / Mi Gente (with J Balvin)
On the Floor
Let's Get Loud (with Emme)
Born in the USA
Finale - Shakira LEH Jennifer Lopez
Waka Waka
• Minute 14 chhung leka hla tam tak bakah mi maktaduai chuang fe mit tlaina khawp an lantir hman hi thilmak pakhat chu a tling awm e.
• Shakira leh Jennifer Lopez-te hian history an siam a, America-a kum tina mipuite'n an en nasat bera Latin artist co-headline thei hmasa ber anni.
• Led Zeppelin fan-te beng verh tawk lek ngaihthlak tur a awm. Shakira perform kar lakah khan Kashmir guitar riff zeh tel zeuh a ni. Zeppelin fan-te chuan an hai lo ang.
Super bowl Half Time
Show nepnawi
r Khawvel pumah mi maktaduai 110 velin an en ṭhin anga chhut a ni.
r Minute 20 chiah hun an nei a, performer-te hian minute 14 vel chiah hun an nei.
r An stage ropui ṭhin zia kan hria, khang stage ropui tak takte kha minute 6 chhunga set zawh vek a ni!
r Stage set-up tur hian thla sarih vel zet an inbuatsaih ṭhin! (Minute 6 chhunga set-up zo hman tur chuan inbuatsaih
ṭhat a ngai ve hle reng a ni)
r Super Bowl Half Time show-ah hian zaithiamte hi a thlawnin an perform ṭhin!
r Show produce-tu NFL hian zaithiamte hi an hla phunrem (lip-sync) an phalsak!