Dixie Chicks album thar a hnai

Member pathum awmna American music group Dixie Chicks chuan album thar an tichhuak leh dawn a, ṭhang khat lian zet hnua an album hmasa ber tur a ni ang. 

Hemi chungchangah hian - Natalie Maines, Emily Robison leh Martie Maguire-te chuan Instagram kaltlangin thuchhuah an siam a, "New Album is Coming" tiin an tarlang. Snapchat lamah pawh album is coming "someday" tih an post bawk a, fan-te tan chuan chanchin lawmawm tak a ni ngei ang. 

'Without You' hitmaker Dixie Chicks hian album tihchhuah leh an tum chungchang hi a hma pawhin an lo sawi ri zauh tawh a, social media kaltlangin an rawn nemnghet ta a ni. An tihchhuah hun tur erawh a la hriat loh a, nghah rei a ngai vakin a rinawm loh. 

Kum 1989-a indin Dixie Chicks hian album an tih­chhuah hnuhnun ber chu 'Ta­king the Long Way' a ni a, 2006 daih tawha an tichhuah kha a ni. An album hi Bill­board 200 chart-ah pawh No. 1 a kai hial a, Gram­my Award-ah Album of The Year leh Best Country Album-te an lakpui bawk a ni.