Camila Cabello a single

American-Cuban singer Camila Cabello chu British love guru Matthew Hussey nen thla 18 an inzui hnuah an inṭhen ve leh ta a, vancancy a awm mek!

Kum 22 mi Cabello hi hmangaihna lamah a vanduai ve ṭhin viau a ni awm a, khawthlang media-te pawhin, "Camila Cabello a single leh ta," tiin an tarlang chuai chuai. A bialpa Matthew Hussey nen hian rei tak pawh an inzui hman lo a, hriat loh karin single life a lo chen leh mek tawh. Matthew nen hian buaina neuh neuh an neih hnuah inṭhen fel law law hi an tithlu ta tih an tarlang. 

An inṭhen chungchangah hian Canadian singer Shawn Mendes hming pawh lam rik a ni a, Cabello nen hian an inngaina thar viau tih an sawi. Mendes nen hian tunhnai lawk khan hla thar 'Senorita' an tichhuak dun a, an video shot lai scene hrang hrangah pawh an inngaina tawn hle a ni. Hei hi social media lamah pawh a darh nasa hle a, hei hian sawi zawm awm mek pawh a tipunlun a ni.  

Shawn Mendes nen hian ṭhian ṭha tak an ni tih chu a chiang a, hla pawh an lo record dun nual tawh. Hetiang boruak a awm leh tak avang hian an inkarah hian 'ṭhian' lo deuh a awm niin an sawi a, thudik a ni em tih chu hunin a la hril dawn a ni.