Shahid leh Kiara channa 'Kabir Singh' a hit
Tun hnai Bollywood film chhuak thar, Shahid Kapoor leh Kiara Advani-te channa chu India Box Office-ah a hit hle. June 21-a release chauh kha ni mah se, a sum lakluh tawh zat erawh vaibelchhe 100 a chuang tawh a ni.
Kabir Singh hi kumina Bollywood film chhuak zingah tlangzarh kara sum lalut ṭha ber pawl a ni a, release ni pawhin vaibelchhe 30 dawn a lalut a ni. He drama/action film hi Indian film director Sandeep Reddy Vanga kutchhuak a ni a, kum 38 mi Shahid Kapoor leh Kiara Advani (26) te an chang a, dahhniam theih a ni lo. Bollywood star ngaihven hlawh chho mek Kiara hi 'M.S. Dhoni: The Untold Story' film-ah khan Sushant Singh Rajput leh Disha Patani-te nena lo changho tawh a ni a, film chang tura sawmna pawh a dawng hnem hle.