Chris Hemsworth leh Julia Roberts Hollywood Walk of Fame-ah lalut dawn

Australian actor Chris Hems­worth leh American actress Julia Roberts-te chu Hollywood Walk of Fame (class of 2020) ah lakluh an ni dawn. 

Hollywood Walk of Fame Selection Committee Chairman Vin Di Bona chuan tunhnai khan Hollywood Walk of Fame-a lakluh turte hming hi a puang a, mi lar tak tak an awm nual. Chris Hemsworth leh Julia Roberts bakah hian, American film director Spike Lee, American rapper 50 Cent leh actor Mahershala Ali-te pawh an tel. 

Hollywood Walk of Fame-ah hian lemchan khawvela hriat hlawh tak takte leh TV show lama lar tak takte lakluh an ni dawn. 

'Avengers : Endgame' star Chris Hemsworth chu movie huanga lakluh tur zinga hrawl ber tih ngam a ni a, Julia Roberts leh Spike Lee-te an langsar viau bawk. Mahershala Ali, Ruth E. Carter, Laurence Fishburne leh Octavia Spencer-te chu lakluh thar tur zingah hian an tel a, Italian screenwriter lar Lina Wertmüller a la awm cheu bawk. 

Christina Applegate, Andy Cohen leh American model Cindy Crawford-te an ni nawk a, a boruak a lian dawn. TV Show lar tak taka inlan ṭhin an kim viau dawn a, Terry Crews, Harry Friedman, Kathie Lee Gifford leh Nigel Lythgoe thlengin lakluh an ni dawn a, 'Batman' star Burt Ward pawh lakluh tur zingah hian a tel a ni. 

Hengho bakah hian - Billy Idol, comedian Dave Chappelle leh American singer Alicia Keys-te pawh Walk of Fame-ah hian lakluh an ni dawn bawk.