Catwoman lema chang thei zingah Chloe leh Jodie

'The Batman' film-a Catwoman lema chang tur tih chian a la ni lo a, American actress Chloe Moretz leh English actress chhe lo Jodie Comer-te chu hming langsar an ni mek. 

'Kick-Ass' actress leh 'Killing Eve' star-te hi catwoman atan iaiawm loh tak ve ve an ni a, a tu zawk zawk pawh hi thlang se an tihsual a rinawm lo. Anni pahnih hi mi tam tak kara an khalh falte an ni tawh hrim hrim a, duh thlan tur zawk pawh hriat­thiam harsa tur tak a ni. 

A changtupa tur lam­ah chuan Robert Pattinson a chiang tawh a, a chanpui tur lam an la buk mek thung a ni. The Batman hi Ame­ri­can film director Matt Reeves chuan a siam dawn a, 2021-ah a chhuak ang. Batman film tharah hian Catwoman a lang ngei dawn tih a chian hmel a, heihian Batman fan-te lawmna a thlen ngei a rinawm a, chutih rualin Batman role play tura Robert Pat­tinson thlan a ni hian titi a ti tam viau thung.