Robot vangin hna chan nasa dawn

Khawvel thiamna a sang zel a, mihring tha hman aiin khawl chakna ringin kan la khawsa chho zel dawn niin a lang. Mithiamte chuan kum 2030-ah chuan ram tam takin robot hmangin hna an thawk tawh dawn a, hei vang hian mi maktaduai 20 velin an hna an chan dawn tih an tarlang. 

Oxford Economics chuan manufacturing center-a hna tam tak chu robot hmangin thawh a ni dawn a, mihring tam tak a luahlan dawn a ni. Hei hian heng hmuna hnathawk mi maktaduai 20 vel zet a nghawng dawn a, industry-ah hnathawktu an tlem tial tial dawn tih an sawi. 

Hei hian US-a state pakhat Oregon chu a nghawng nasa zual dawn a, UK-a Cumbria chu a tuar nasa tur an nih thu an tarlang bawk. Oxford Economics hian tunhnai khan 'How Robots Change the World' tih an tlangzarh a, hetah hian robot-in khawvel a thlak danglam theih dan hrang hrang tarlan a ni.