Ed Sheeran hla thar 'Beautiful People'

'Perfect' hitmaker Ed Sheeran chuan American singer Khalid thawhpuiin hla thar 'Beautiful People' a tichhuak ve leh ta. A lyrics video chauh a la chhuak thung a ni. 

British singer Ed Shee­ran hian Ningani khan a hla thar hi a tichhuak a, YouTube lamah pawh hmuh tur a awm tawh a ni. Sheeran hian midang thawhpui a ching viau a, a hlawhtling viau zel bawk. Canadian singer Justin Bieber nen 'I Don't Care' an tichhuak a, hei pawh hi 'hit' tak a ni. JB bakah hian - Bruno Mars, Cardi B, Camila Cabello, Travis Scott leh English singer Ella Mai-te pawh a thawhpui zingah hian an tel a ni. 

Kum 28 mi Ed Sheeran hian July 12 hian No.6 Collaborations Project a tichhuak dawn a, hla 13 a awm dawn a ni. Chung zingah chuan 'I Don’t Care' pawh hi a tel dawn a, Chance the Rapper leh PnB Rock-te nena an sak 'Cross Me' pawh a tel dawn a ni.