Charlie's Angels trailer a chhuak

'Twilight' star Kristen Stewart channa 'Charlie's Angels' chu a trailer tihchhuah a ni a, a hit nghal rem rem hle. 

He film-ah hian Kristen Stewart, Naomi Scott leh Ella Balinska-te an changho a, dahhniam chi rual a ni lo. Action/adventure film Charlie's Angels hi American hmeichhe film director lar Elizabeth Banks kutchhuak a ni dawn a, en chakawm tawh tak a ni. 

Charlie's Angels film hi 2000 khan tihchhuah a ni a, Drew Barrymore, Cameron Diaz leh Lucy Liu-te an inlan a ni. Tun ṭumah erawh Kristen Stewart, Naomi Scott leh Ella Balinska-te kan hmu thung dawn a, a lar chhuak zo ang em tih chu hriat chakawm tawh tak a ni. Charlie's Angels hi November 1-ah release a ni ang. 

He film-a an theme song pawh hi Ningani khan release a ni a, zaithiam lar tak tak - Ariana Grande, Miley Cyrus leh Lana Del Rey-te'n an sa a ni.