Disney+ in 'Dumbo', 'Peter Pan' etc an paih

Disney+ chuan chi inthliarna lam hawi thu a awm avangin an classic animated movie ṭhenkhat Kids Profile aṭangin an paih a, chung zingah chuan 'Dumbo', 'Peter Pan', 'The Aristocats' leh 'Swiss Family Robinson'-te pawh a tel.

An online help centre-ah hemi chungchangah hian thuchhuah siamin heng movie-ahte hian midang emaw culture dang emaw a ṭha lo zawnga sawina a awm avangin Kids Profile aṭangin an paih ta tih an tarlang a, chumi awmzia chu naupang kum 7 chin hnuai lam chu heng movie-te hi an streaming platform kaltlanga en an khap tihna a ni a; account pangngai aṭang erawh chuan a la en theih dawn tho a ni.