Inter Village Band Contest buatsaih a ni dawn

Active Sound chuan Mizoram pum huap Village/Local Council-te inelna tur SEKI Inter-Village Band Contest 2019 a buatsaih dawn a, lawmman ṭha tak a awm ang. 

He intihsiaknaah hian Mizoram hmun hrang hranga khua leh vengtin-te an tel thei dawn a, May 31 leh June 1-ahte audition neih a ni ang. He Band Contest hi Mizo-ten live music lama hma kan sawn zel theih nan leh chawi nun zel a nih theih nana buatsaih a ni a, Junior Category leh Open Category-ahte ṭhen a ni ang. Junior Category hi kum lama naupang zawkte theihna haichhuah leh pholanna remchang a nih beiseia siam a ni a, kum 19 chin hnuai lam an tel thei ang. 

Category pahnih-ah hian lawmman ṭha tak a awm dawn a, a tiṭha zual band panga hnenah portable speaker pek ṭheuh an ni bawk ang. 

Junior Category (Under 19)

Winner : Rs. 25,000/-  + trophy

Finalist : Rs. 10,000/- + trophy

Open Category

Winner : Rs.1,00,000/- + trophy

Finalist : Rs. 25,000/- + trophy

SEKI Inter-Village Band Contest 2019-a tel tumte chuan May 25 ral hmain form thehluh tur a ni a, audition hi May thla tawp leh June thla tir khian Cultural Auditorium, Berawtlang-ah neih a ni ang. Tel tumte tan phone number - 8259952540ṭ9612495126-ahte zawhfiah theih a ni.