Ozzy Osbourne-a'n tour nei leh dawn

A hriselna dinhmun a ṭhat loh avangin tour a neih tur­te pawh cancel a ngai hial a, tunah erawh ṭhat lam a pan leh tawh. English singer ropui Ozzy Osbourne chuan nakkum January thla aṭangin tour a neih tur thu a puang a, Europe hmun hrang hrang a fang dawn a ni. 

Kum 70 mi Ozzy Os­bourne hian tour nei tura a in­buat­saih mek laiin a taksa lamah harsatna a tawk a,  eng emaw chen chu hospital-ah hun a hmang. A ṭha leh mai dawn emaw tih hnuah ICU-ahte enkawl zak zak a ni a, tunah erawh ngai a awh chho leh ṭan tawh a ni. 'No More Tours 2' a neih tur pawh a chhunzawm leh thei dawn a, harsatna dangte a awm leh a nih loh chuan nakkum January 31-ah a kick-off a ang. 

Hard rock icon hian hemi chungchangah hian Thawh­ṭanni khan thuchhuah a siam a, tour hi UK-ah a kick-off tur thu a tarlang. Tour a neih chhung hian Europe bakah North America thengin a hrut dawn a, July thla thleng a awh dawn a ni.