Amitabh Bachchan Kum khatah chhiah vbch 70 a chawi!

Bollywood superstar Amitabh Bachchan chuan nikum chhung khan chhiah vaibelchhe 70 zet a chawi hem mai! Indian Film Industry-ah chuan chhiah pe hnem ber a ni a, sum pawh a lalut hnem thawkhat hle tih a lang. 

Amitabh Bachchan-a thupuangtu chuan kum khat chhunga a chhiah pek zat hi tun hnai khan a puang a, loneitu mi ṭhahnem tak hnenah loan a pechhuak tih a tarlang bawk. Bollywood 'hero' hian sum a lalut hnem hle a, chhiah a pek ringawt pawh hi turu tak a ni. A sum hmuh zozai hi pumbilh mai loin midang ṭanpui nan a semchhuak nasa hle a, Bihar-a lo neitu mi 2,084 zet chuan a hnen aṭang hian loan an la a ni! Tun hnaia Pulwama Attack-a nunna chan chhungte hnenah pawh khan ralna sum cheng nuai 10 ṭheuh a hlan niin an tarlang bawk. 

Kum 76 mi lai ni ve tawh Amitabh Bachchan hian Bollywood a thunun tih loh rual a ni lo a - film pakhat a chan aṭang ringawt pawhin sum a hlawh chhuak hnem ṭhin hle. A channa thar ber 'Badla' chu March thla khan release a ni a, a hit leh pek hle. He drama/thriller film-ah hian Taapsee Pannu leh Amrita Singh te nen an changho a ni. 

Amitabh Bachchan hi Bollywood star zingah pawh kum khat chhunga sum lalut hnem ber te zinga mi a la ni a, film chang tura sawmna pawh a la dawng hnem mawlh mawlh hle a ni.