Zonet Original TV serial changtu tur Christina Pautu & Vanlaltlansaa

July thla aṭanga tih­chhuah tur Zonet Original TV serial 0389 chu kar leh aṭangin shooting ṭan a ni tawh dawn a, a changtu turte pawh a hriat ta. Mizo serial film hmasa ber turah hian Christina Pautu leh Vanlaltlansaa-te chu an chang dawn a, en a châkawm tawh hle a ni. 

A script hi Raymond Colney leh Steven L Ralte ziah a ni a, shooting nei turin engkim peihfel a ni tawh. Raymond Colney chuan film making leh acting lama tui tam takte tana career siam sak chu an tum a nih thu sawiin, Mizoram-ah film culture dik tak leh industry workflow a taka kalpui chu an tum ber a ni thu a sawi. 

0389 hi Zonet leh Belie­ving is Seeing Projek (BISP)-te ṭangkawpin an tichhuak dawn a, episode 12 vel awm tura beisei a ni. A changtu turte hi ngun taka ngaihtuah a nih hnu­ah Chris­tina Pautu leh Vanlal­tlansaa-te hi thlan an ni ta a ni.