Liam Payne leh Maxwell an sawizawm

One Direction star Liam Payne leh Victoria's Secret model Stella Maxwell-te chu Berlin, Germany-ah zanriah an kildun a, sawizawm an hlawh nghal.  

Model lawm ve tak Liam Payne hi Naomi Campbell nen thla li vel awrh an inzui hnuah, thla hmasa khan an inṭhen a - model bawk a melh leh tawh! Kum 28 mi Belgium-born Northern Irish model Stella Maxwell nen hian tun hnai khan Germany-ah hmuh dun an ni a, an in date niin khawthlang media-te chuan an tarlang. Payne leh Maxwell-te hi Grill Royal restaurant-ah a hran ve vein an kal a, a hnuah erawh hmuh dun an ni. Germany-ah hian Liam hi thil 

ṭul buaipuiin a kal a, Maxwell pawh hi fashion thilah a cham mek lai a lo nih bawk avangin an intawng ta niin an sawi a, an ruahman lawk sa a nih ring an awm bawk.   

Liam hian amah aia kum 23 zeta upa supermodel Naomi Campbell a lo chhai tawh a, mak tih a hlawh hle a nih kha. Maxwell nen erawh an kum pawh a inthlau lo a, an inzui nghet a nih pawhin an inhmeh viau a rinawm.