Anna Khramtsova a mawi ber

Russian National Guard-te tana buatsaih Beauty Contest-ah Anna Khramtsova chu pakhatna a ni a, a hmel­ṭhat em avangin social media lamah a lar zui hle. 

Kum 31 mi Anna Khramt­sova hian fa pakhat a nei tawh a, heti chung hian contestant 1,000 chuang zingah 'ber' nihna a la hauh thei a ni. He contest-ah hian mi 57,000 velin vote an thlak a, Khramtsova hian vote a hmu hnem ber a - 2020 calendar-ah a thlalak a chuang dawn bawk.  

Vladimir Putin-a National Guard zinga mi Khramtsova chanchin hian ngaihven a hlawh a, a thlalak pawh a darh nasa hle. Amah hi sipai chhungkua aṭanga seilian niin, a pa hi kum 30 chuang zet sipaia lo ṭang tawh a ni. Khramtsova chuan, "Ka seilenna chhungkua chawimawi theia ka awm hi ka inchhuang hle a, ka pa sulhnu ka chhui a ni," tiin a sawi. Khramtsova hian silai kah pawh a thiam hle a, Beauty Queen-a thlan a nih hma pawh hian a lo lar hat tawh a ni.