Zorinzuali Khiangte Music video thar release a ni ta

Zorinzuali Khiangte music video thar 'Ka rawn hlan' tih chu nizan khan Hotel Floria-ah taka tlangzarh a ni ta. He music video hi Dr. Zothansanga, Music Domain Mizoram (MDM) president chuan a tlangzarh a, Mapuia Chawngthu (Leitlang Pictures) chuan video preview-na a nei bawk. 

Zorinzuali hian hun eng emaw chen chu offi­cial music video a tichhuak tawh lo a, sum leh pai, tha leh zung tam tak senga hla thar a rawn nei leh ta hi a lawmawm hle. A hla thar 'Ka rawn hlan' hi Mystic Sailo phuah niin, belhchian pawh a dawl leh pek hle. A music video-in belhchian a dawl a, mit leh beng a tlai tak zet a ni. 

Storyboard, choreo­gra­­phy leh direc­ting hi Alan Rinawma (Mizo Dance Camp) kut chhuak niin, video hi Mawitea Hau­chhum (RDS) siam a ni thung a, Lalbuatsaiha (BS Pictures) chu Assistant Director of Photography a ni. 

Shooting hi uluk taka neih niin, Maubawk, PTC, Phunchang leh Central Hall, Venghlui-ahte neih a ni a, thla khat chhung vel zet an inbuatsaih a ni. Game of Thrones lar lai a ni bawk a, Zorinzuali Khiangte music video-ah pawh hian an inthuamnate chuan GOT a hawi ruih a ni.

Zorinzuali Khiangte music video thar hi Zonet leh MDM YouTube chan­nel lamahte tih­chhuah a ni ang.