Joe Jonas leh Sophie Turner an innei!

Game of Thrones star Sophie Turner leh a bialpa Joe Jonas-te chuan May 1, Nilaini khan Las Vegas-ah 'tiam tlat e' an ti ve ta. 

Kum 29 mi Joe Jonas leh Sophie Turner (23)-te inneih tur thu hi puanzar lawk a nih loh avangin mipui a barkahaih hle a, fan-te pawhin awih har an ti hle. An inneih tukah hian Joe Jonas hi Billboard Music Award-ah a perform a, Sophie Turner pawh presenter zingah a tel bawk. Hengte avang hian an inneih hi an la urhsun vak lo niin mi tam tak chuan an ngai. 

An inneihnaah hian an chhungte leh ṭhian hnaite an tel a, chung zingah chuan Priyanka Chopra pawh a tel. Joe Jonas chuan France-ah inneih an tum thu a lo sawi lawk tawh a, hei vang hian a thawh hnihna an nei leh dawn niin mi tamtak chuan an ngai a ni. 

Joe Jonas-a'n nupui a neih leh tak avangin Jonas Brothers - Kevin Jonas, Joe Jonas leh Nick Jonas-te chuan kawppui an nei ta vek a ni. Sophie leh Joe-te hi 2016 khan an in date ṭan a, 2017 October thla khan an inhual thu an lo puang tawh bawk.