Christian Music News 'The Blessing'-in RIAA Gold Certification a dawng

Elevation Worship, Kari Jobe leh Cody Carnes-te'n an tihchhuah 'The Blessing' chuan Recording Industry Association of America® (RIAA) Gold Digital Single certification a dawng.

Elevation Worship chuan he hla hi an album tihchhuah thar ber 'Graves Into Gardens'-ah khan an dah tel nghe nghe a, Grammy award 2021-ah pawh hian Best Contemporary Christian Music Performance/Song nomination a hmu bawk.

'The Blessing' hi 2020 GMA Dove Award-ah khan 'Worship Song of the Year'-ah thlan a ni bawk a, Gospel rimawi huangchhungah chuan chart hrang hrangah pawh a che ṭha hle. Apple Christian leh Gospel genre charts-ah chuan ram 34 laiah pakhatna a ni tawh a, ram 77-ah top 5-ah a inhlangkai bawk.