Rose Byrne Australia tan a auchhuak Chris Hemsworth-a'n $mtd 1 a pe

Australian actress, Troy star Rose Byrne chuan Australia ram kang tana ṭanpuina pe turin ngenna a siam.

Byrne chuan kang ṭhelhte ṭan­puina tur leh ram kang nasa tak ṭhelh a nih theihna tur chuan an theih ang ang pe turin mipui a sawm. Good Moring America-a a inlannaah, "History-a thil chhinchhiah tawhah a la rapthlak ber ang. Mi tam takin an chenna in an chan a. Ramsa maktaduai nga vel zetin an nunna an chan tawh bawk. Eng pawh, dollar khat pawh nise, kang ṭhelhna turin pe turin ka ngen che u a ni," tiin a sawi.

Australian actor tho Chris Hemsworth pawhin Australia ram kang tan hian $mtd khat zet a pek thu a tarlang ve bawk. Avengers star hian a in­stagram-ah hemi chungchang hi tarlangin Australia ram kang ṭhelhnaa thawktute chu thlawp a duh thu leh a chhungte nen dollar maktaduai khat an pek thu a sawi a ni. 

Anni pahnih bakah hian Nicole Kidman leh Keith Urban-te nupa leh Pink-te pawhin ram kang ṭhelhtute chhawmdawlna tur hian pawisa an pe tawh bawk.