Katrina leh Vicky chang dun rih dawn lo
Bollywood star Katrina Kaif leh Vicky Kaushal-te hi film changdun mai tur anga sawi an ni fo a, tun hnai maiah erawh a thleng dawn lo niin a lang ta.
Vicky Kaushal leh Kaif-te hi tun lai Bollywood star zingah chuan boruak nei lian ber pawl an ni a, film chang tura sawmna pawh an dawng hnem hle. Tun hnai khan interview an nei dun a, hemi ṭum hian film an chandun dawn leh dawn lohte pawh an zawt a ni. An chhanna aṭang chuan chandun lam a lang rih lo a, thu leng vak chu belhchian dawn lo a nih thu, Katrina chuan a sawi chhuak.
Katrina hi 'Bharat' film-ah Salman Khan nen an changdun a, Sooryavanshi film-ah Akshay Kumar nen an changdun dawn bawk. Vicky pawh hi Udham Singh biopic-ah a inlan dawn a, shooting nei turin London a pan dawn a ni. Hengte avang hian Vicky leh Katrina-te hian tun hnai maiah chuan film an changdun dawn ta lo a ni.