Joe leh Sophie-te'n France lam an hawi

Joe Jonas leh Sophie Tur­ner-te hi rin loh takin May 1 khan Las Vegas-ah an inkut­suih a, amaherawh chu an la duh tawk mai dawn lo. France lamah pui zawka inneih buatsaih ṭhat leh an tum a, ruahmanna pawh an siam fel tawh niin khawthlang media-te chuan an tarlang. 

People Magazine chuan Game of Thrones (GoT) actress Sophie Turner leh Jonas Brothers star Joe Jonas-te hi June thla khian France-ah an inkutsuih leh dawn niin an sawi a, a ni tur erawh tarlan a la ni lo. France-a inneih buatsaih chungchang hi Joe Jonas pawhin a lo sawi lang tawh a, a thleng ngei dawn niin a lang ta. 

Las Vegas-a an inneih ṭum khan Priyanka Chopra chu maid of honour a ni a, Jonas Brothers pawh an tel kim. DJ Diplo bakah Khalid leh Dan + Shay-te pawh an inlan a, tel erawh an ṭhahnem lo hle a, an chhungkhat laina leh ṭhian ṭha tak takte chauh an inlan a ni.