Cyclone Fani tuarte tan Akshay Kumar

Bollywood star Akshay Kumar chuan tun hnaia Cyclone Fani-in a nuai, Odisha-a vanduaina tawkte ṭanpui nan cheng vaibelchhe khat zet a thawh. 

Akshay Kumar hian thlipui na takin a nuai Odisha mipuite chunga chhiatna thleng chu pawi a tih thu leh a tuarpui thu a sawi. Nunna chan eng emaw zat an awm chu vanduai thlak a tih thu sawiin, hliam tuarte pawh an dam leh thuai a duhsak thu a tarlang. Akshay Kumar hian chhiat tawkte ṭanpui nan hian Odisha Chief Minister relief fund-ah vaibelchhe khat a thawh a, Bollywood star zinga ṭanpuina hlan hmasa ber a ni. Hetih rual hian Bollywood star dangte pawhin ṭanpuna hi pek an tum thu an sawi tawh hlawm.  

Canadian-Indian actor Akshay Kumar hian Kerala-a tuilian tuarte tan sum ṭhahnem tak a lo thawh tawh bawk a, midangte ṭanpui kawngah a thawh hlawk hle a ni.