Cosmetic lamah Katrina Kaif

Milar tan chuan sumdawnna kawngah pawh hlawhtlin a awlsam a ni mahna, Bollywood star Katrina Kaif pawhin ama pualin cosmetic line din a tum thu an tarlang mauh mai! 

Kum 35 mi Katrina Kaif hian cosmetic line hi a din a nih chuan Bollywood star - Kareena Kapoor Khan, Aishwarya Rai Bachchan, Sonam Kapoor Ahuja leh Janhvi Kapoor-te hnung a zui dawn tihna a ni a, a hlawhtlinpui ang em tih chu hriat chakawm tak a ni. Katrina hian ama puala sumdawnna lian tham tak din hi a thil tum ber pakhat a ni a, hemi tur hian hma pawh a la mek tih media -te chuan an tarlang. 

Hetih lai hian British actress hnen aṭang hian cosmetic line din a tum thu official-a hriat tur a la awm lo a, a thleng ngei ang em tih chu zawhna awm mek a ni. Chutih rual chuan milar ṭhenkhatte hnungzuia sumdawnna huangah a zuang lut a nih pawhin a mak lo ang. 

Milar tam takin sumdawn an intih hmuh a, Bollywood star-te pawh an bang bik lo. American model Kylie Jenner phei chu kum 2015-a 'Kylie Cosmetics' a din avangin tunah chuan khawvel billionaire ni thei naupang ber a ni der tawh.