HSLC-a tiṭha mi 20 chawimawi

David’s Kitchen leh Mizo Zirlai Pawl (MZP) ṭangkawp chuan Nilaini zan khan David’s Kitchen Chanmari, Aizawl-ah HSLC-a ti ṭha mi 20-te chawimawina hun an hmang. 

He hunah hian C. Lalmuan­puia, MLA chu khuallian a ni a, Central YMA general secre­tary Lalhmachhuana chu khual zahawm a ni. Guest of Honour chuan zirlai tiṭhate chawimawina kawngah CYMA pawhin hmalak a tum thu a sawi.

He programme hi Baryl Vanneihsangi chuan a host a, zirlaite fuihna thu ṭha tak tak ngaihthlak a ni. MCS topper Dr. Laldinsangi chuan inspirational speech ṭha tak a sawi a, HSLC top 10 awmna school principal ṭhahnem takin an telpui bawk.

HSLC tiṭhate hi thilpek hlan an ni a, Chief Guest, Guest of Honour, Mizoram Independent School Association (MISA) president C. Lalthanzauva, Zonet general manager LV Lal­than­tluanga (Tatoa), MPS Kut Lady Sheila B. Lalrinpuii leh Dr. Laldinsangi (MCS Topper 2019)-te chuan an hlan a, CYMA, MZP leh ZORO (Women Wing) aiawhten thilpek an hlan bawk. 

He hunah hian - Stacy V.L. Muanpuii, Nunu Chhangte, Sawmtea Chhangte, Feli Fanai, Kimkima, Ticos, Zorinzuali leh Mizo Dance Camp-te an perform a, zanriah an kilho nghal a ni. MZP leh David’s Kitchen ṭangkawp hian HSLC topper-te chawimawina hi kum 10 chuang zet an lo kalpui tawh a, kumin hi ṭum 12 an buatsaihna a ni.