Songwriters Hall of Fame-ah Justin Timberlake

American singer Justin Timberlake chu June thla khian Songwriters Hall of Fame-ah lakluh a ni dawn. 

Songwriters Hall of Fame hian June 13 khian New York-ah a vawi 50-na atan induction ceremony an hmang dawn a, he hunah hian Justin Timberlake hi Contemporary Icon Award hlan a ni ang. 

Zaithiam zingah Lady Gaga chu Songwriters Hall of Fame-a lakluh awmchhun a la ni a, Justin Timberlake hian a hnung a zui dawn a ni. Lady Gaga hi a hmasa ber ni turin 2015 khan lakluh a a ni a, Timberlake hun a her chhuak ve ta a ni. 

Timberlake hi hla phuah lamah a duai lo viau a, a hla hit - Cry Me a River, SexyBack, Can’t Stop the Feeling!-te chu a phuah tih theih vek an ni a, a hlate hi Oscar dawng tura chawphchhuah zinga lang pha an ni. Gone, Girlfriend leh Pop phuahtu zingah a tel bawk a, a talent hmuh hmaih chi a ni lo. 

Kumina Songwriters Hall of Fame-a lakluh tur zing­ah hian - Missy El­liott, Cat Stevens, John Prine, Tom T. Hall, Jack Temp­chin leh Dal­las Austin-te pawh an tel a ni.