Box Office-ah Raya and the Last Dragon-in Ro a rel chhunzawm
North America Box Office-ah thil danglam lian tham thleng thar a awm lo a, Raya and the Last Dragon bawk pakhatna a ni leh.
Raya and the Last Dragon hi theatre 2,163-ah pek chhuah niin $5,706,633 a lalut a, sum lalut tam ber a ni leh a ni. Kar hmasaa pahnihna Tom and Jerry pawh a dinhmun ngaiah a la ding a, theatre 2,454 aṭangin $4,100,000 a lalut.
Top 5-ah dinhmun inthlak an awm lo a, Chaos Walking chu pathumna ni lehin Boogie bawk palina a ni leh a, The Croods: A New Age pawhin kar hmasa ang bawkin top 5 a khar leh.
Film tharte chu
Box office Mojo chuan chart an tihchhuahah film 35 an tarlang a, chung zinga panga chu film thar a ni.
Film thar zingah Jathi Ratnalu chu parukna a ni a, Long Weekend chu 11-na a ni bawk. Dutch chu 14-na niin Lamb of God: The Concert Film chu 15-na a ni a, 23-na Come True pawh film thar a ni.
Japan lamah ‘Evangelion’ Anime a che ṭha
Evangelion film series palina Evangelion: 3.0+1.0 Thrice Upon a Time chu kar hmasa khan Japan-ah tlangzarh niin Japan Box Office-ah a che ṭha nghal hle a, $maktaduai 30.6 a lalut.
Tuna an tlangzarh thar hian Evangelion film series pathumna ai khan sum a lalut tam zawk a, 45%-in a lalut tam zawk a ni.