Mathlenga hla thar 'Zoram Faina'

Mathlenga chuan music video thar 'Zoram Faina' a tichhuak a, Zonet lamah chuan thlira ngaihthlak turin a awm tawh a, YouTube lamah pawh a awm thuai dawn.

He hla hi amah Mathlenga phuah niin, UD&PA Depart-ment Kolasib District : Kolasib Under Swachh Bharat Mission (Urban)-in an sponsor a ni. Mathlenga chuan, "Kan khawtlang leh kan ram a thianghlim chuan, kan ram leh hnam mawina tur a ni a, ram hriselna atan pawh a lo pawimawh hle a ni," tiin faina a ngaihpawimawh thu leh a hla thar a phuah chhan Vanglaini a hrilh.

Video chu CLUZ Film Production niin, music chu Kima Chhangte kut chhuak a ni a, recording chu Musica Mundana kut chhuak a ni thung.