Hilary Duff leh Matthew an inhual

American actress Hilary Duff leh singer Matthew Koma-te chuan an inhual thu an puang. 

Actress leh singer ni bawk Hilary Duff leh singer-songwriter Matthew Koma-te hi kum 2017 aṭang khan an inzui ṭan a,  thla ruk liam ta khan fanu an lo nei tawh bawk. 

Kum 31 mi Matthew leh Hilary Duff-te hian Ningani khan an inhual thu hi an puang a, inkutsuih thuai an tum thu an tarlang bawk. An inhual thu hi Instagram lamah an tarlang ve ve a, chhungkaw ṭha tak din tura thutlukna an siam fel thu an sawi. 

Hilary Duff hi Canadian ice hockey player Mike Comrie nen 2010 khan an lo innei tawh a, fa pawh kum sarih mi lai an nei. Mahse kum 2016 khan an inṭhen a, Duff hi Matthew Koma nen hian an inkawp zui ta a ni.