'I Don't Care' a chhuak ta

Candian singer Justin Bieber leh British singer Ed Sheeran-te chuan an hla thar 'I Don't Care' chu official lyric video an release ta a, offical music video erawh hmuh tur a la awm lo. 

A lyrics video hi YouTube lamah hmuh tur a awm tawh a, viewer pawh an pung chak hle. JB leh Ed Sheeran-te inkawp hian boruak an nei lian a, an hla thar pawh hi mi maktaduai hnih vel zetin an view leh der tawh. 

Pop singer lar JB leh Ed Sheeran-te hian hla thar an tihchhuah tur thu hi social media lamah an lo tarlang fo tawh a, ni tam pawh a liam hmain ngaihthlak theih turin an chhawp chhuak ta a ni. 'I Don't Care' hi Ed Sheeran tan chuan a hlu zual hle a, kum 2017-a Divide album a tihchhuah hnua a hla hmasa ber a ni.