Zaninah Chapchar Music Festival

Nikum lama an lo buatsaih tawh angin darBu Events chuan zanin hian Chapchar Music Festival an buatsaih dawn - live music ngainatute chu  Ransam, Ṭhuampui Vengtharah kal mai tur, dar 7:00-ah ṭan a ni ang.

Tunlaia zaithiam ngainat hlawh em em mai Francis a inlan dawn a, a ngaihnawm viau ang. Band sawm hlawh Shai Hills kan hmu dawn a, anni hi eng hla pawh, eng ṭawng pawh, eng genre pawh play thiam an ni. Moodswingers hi chu a ngaithla tawh chuan an 'versatile' zia kan hre tlang a, hla ṭha zawng zawng an sa thiam a ni ber. Jess Beyond kan hmu dawn a, hei pawh kal chhan tlak bawk. Ticket Rs 500 a ni ang.