The Penguin tur Collin Farrell

Batman lema Robert Pattinson channa tur, 'The Batman'-ah Colin Farrell chu Penguin lemah a chang dawn tih director Matt Reeves chuan a sawi.

DC Comics villain zinga lar tak The Penguin, a hming tak Oswald Chesterfield Cobblepot lema Colin Farrell chang tur hi Batman fan-te tan chuan a phurawm ngei ang. The Batman hian sawi a hlawh a, Robert Pattinson, Batman lema a chang dawn tih tarlan a nih aṭang khan boruak a nei hat tawh a, Colin Farrell inlan tur hian a ti nghahhlehawm zual hle.

The Riddler lemah Paul Dano a chang dawn tih a chiang tawh a, Commissioner Gordon lemah Jeffrey Wright a chan dawn bakah Catwoman lemah Zoe Kravitz a chang dawn bawk. The Batman hi nakkum lamah tlangzarh hman an tum a ni.