Naktukah ni 2 awh tur Edu Options ṭan dawn

Ni hnih awh tur Edu Options 2019 chu naktuk aṭangin Dawrpui Multipurpose Centre-ah ṭan a ni dawn ta. Kuminah hian Post Graduate course nei zirna-in eng emaw zat an tel dawn a, zirlaite tan chuan chhim ngei chi a ni. 

He hunah hian scientific method hmanga student profiling siam thei Mindgroom lam an rawn che bawk dawn a, a hmunah free wifi a awm bawk ang. College lamah chuan - social science, humanity, technical course, medical, engineering, management, legal study, hos­pitality, finance, HR, anima­tion, science, agricultural science, pharmacy, nursing, economics, commerce leh streams 200 chuang zirlaite tan zir chian tur a awm dawn a a ni. Scholarship leh educa­tional loan apply duh tan pawh dawr tur an awm nghal bawk ang.

Edu Options kaltlang hian zirlai hlawhtlinna chang eng emaw zat an lo awm tawh a, zirna-in lo telte hian lehkha zirzawh hnuah placement mumal tak an nei ṭhin bawk. 17th Edu Options hi 14th-15th chhung hian neih a ni dawn a, chawhma dar 11:00 aṭanga tlai dar 5:00 thleng dawr theih an ni ang. Chhimtute tan quiz leh lucky draw a awm dawn bawk a - smart phone, pen drive, earphone leh thil dangte a man theih dawn a ni.