IMG Models tan Kacey Musgraves

International model management firm, IMG Models chuan American singer Kacey Musgraves chu contract an ziahpui a, an inremna hlut zawng erawh tarlan a ni lo. 

Kum 30 mi Kacey Musgraves hian IMG Models nen inbiakna an neih thu hi social media lamah a lo tarlang tawh a, Met Gala 2019-ah khan hemi chungchang hi a lo sawi lang zauh tawh bawk. 'Rainbow' singer chuan, "IMG Models chhungkua zinga ka tel ve thei hi ka lawm a, ka phur tawh tak zet a ni," tiin Twitter lamah a tarlang. 

IMG Models hian milar eng emaw zat con­tract an lo ziahpui tawh a, chung zingah chuan - Karlie Kloss, Bella leh Gigi Hadid, Lily Aldridge leh Hailey Bieber-te pawh an tel a ni.