GIG Motors Ṭhazual Lengzem-ah Fakmawia Fanai a sang ber
Faith Lalduatmawii hla phuah 'I hmangaih ber' tih hla thiam tak maia satu Fakmawia Fanai chuan GIG Motors Ṭhazual Lengzem chart-ah dinhmun sang ber a luah.
Ṭhazual chart-a vawi eng emaw zat pakhatna dinhmun lo luah tawh H.T Lalthanzami chuan pahnihna a hauh thung a, Awmtea Polymer chu pathumna a ni.
Fakmawia a mawi
Fakmawia Fanai hian April thla tir lam khan 'I hmangaih ber' music video a tichhuak a, ngaihthlak a hlawh hle. A hla hi mipui rilrem zawng tak a ni a, thlan hlawh ber a ni pawh hi a mak lo. Thla khat a liam hnu lawkah Ṭhazual chart-ah No.1 a kai nghal a, hei hian Fakmawia 'mawi' bik zia a tarlang.
Fakmawia Fanai hian April thla tir lam khan 'I hmangaih ber' music video a tichhuak a, ngaihthlak a hlawh hle. A hla hi mipui rilrem zawng tak a ni a, thlan hlawh ber a ni pawh hi a mak lo. Thla khat a liam hnu lawkah Ṭhazual chart-ah No.1 a kai nghal a, hei hian Fakmawia 'mawi' bik zia a tarlang.
'I hmangaih ber' tih hla hi Faith Lalduatmawii phuah a ni a, a satu aw nen pawh hian a inmil hle. Music hi Rinhlua Fanai leh Ruatdika Ralte-te kutchhuak a ni a, cheographer hi Alan Rinawma (Mizo Dance Camp) a ni. A zai piah lamah lam hmuhnawm tak a awm tel a, hei hian he music video hlutna hi a belhchhah a ni.
HT Lalthanzami
Ṭhazual chart-ah a mikhual tawh lo hle a, vawi eng emaw zat No.1 lo hauh tawh a ni. Tun ṭumah hian a hla thar 'Hlimte'n leng ang che' tih hmangin a rawn invawrh chho leh mek a, dinhmun sang ber kai turin a dinhmun a ṭha hle.
Ṭhazual chart-ah a mikhual tawh lo hle a, vawi eng emaw zat No.1 lo hauh tawh a ni. Tun ṭumah hian a hla thar 'Hlimte'n leng ang che' tih hmangin a rawn invawrh chho leh mek a, dinhmun sang ber kai turin a dinhmun a ṭha hle.
A hnuai chiaha awm Awmtea Polymer chuan 'A rem tawh lo' tih hla hmangin mipui a awi tlei mek a, Jenny Jathang a inlar leh tawh bawk. Jenny Jathang pawh hi ṭhazual chart-ah a lang zing hle a, hei hian a music video belhchian dawl zia a tilang. Fela Colney chuan 'Sensiari' a la vulpui zui zel a, Temami pawh a bang bik lo.
Zorinzuali a inlar
Tun hnai khan music video a tichhuak thar a, thlan a hlawh nghal hle. Zorinzuali hi 'Ka rawn hlan' tih hla hmangin a inlar chho leh mek a, chart-ah No.1 a kai zo ang em tih chu hriat chakawm tawh tak a ni.
Tun hnai khan music video a tichhuak thar a, thlan a hlawh nghal hle. Zorinzuali hi 'Ka rawn hlan' tih hla hmangin a inlar chho leh mek a, chart-ah No.1 a kai zo ang em tih chu hriat chakawm tawh tak a ni.
A music video hi hmuh a nuam a, a zai ngaithlak a manhla hle bawk. Video hi uluk taka siam a ni a, tha leh zung pawh an seng hnem hle ang tih a rinawm. Tun ṭumah hian Chama Thangluah, Jonathan Lalengzauva leh Mami Varte-te chu top 10-ah an lang bawk.